പണം അടയ്ക്കാത്തതിന്റെ പേരില്‍ വൃദ്ധനെ കെട്ടിയിട്ടു; ആശുപത്രി അടപ്പിച്ചു;കുറ്റക്കാരെ വെറുതെ വിടില്ലെന്ന് മധ്യപ്രദേശ് മുഖ്യമന്ത്രി

ആശുപത്രി ചികിത്സയുടെ ബില്ല് അടയ്ക്കാത്തതിന്റെ പേരില്‍ വൃദ്ധനെ കെട്ടിയിട്ട സംഭവത്തില്‍ ആശുപത്രി അടപ്പിച്ചു. മധ്യപ്രദേശിലെ ഷജപുരിലെ സ്വകാര്യ ആശുപത്രിയാണ് അടച്ചത്. കൂടാതെ 342-ാം വകുപ്പ് പ്രകാരം ആശുപത്രിയുടെ മാനേജര്‍ക്കെതിരെ കേസ് രജിസ്റ്റര്‍ ചെയ്യുകയും ചെയ്തു.

ആരോഗ്യസ്ഥിതി തീരെ മോശമായ റണേഡ ഗ്രാമത്തിലെ വൃദ്ധനെയാണ് കട്ടിലില്‍ കെട്ടിയിട്ടത്. ഇദ്ദേഹത്തെ വീട്ടില്‍ പോകാന്‍ ആശുപത്രി അധികൃര്‍ അനുവദിച്ചില്ല. ഇക്കാര്യം പുറത്തറിഞ്ഞതോടെ ആശുപത്രിക്കെതിരെ വലിയ പ്രതിഷേധങ്ങള്‍ ഉണ്ടായി. ഇത്തരമൊരു സംഭവത്തിന് കാരണക്കാരായ ആരെയും വെറുതെ വിടില്ലെന്ന് മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍ അറിയിച്ചു.