ബോട്ടപകടം; ഒരു കുടുംബത്തിലെ 13 പേര്‍ക്ക് ദാരുണാന്ത്യം; അപകട കാരണം അമിത ഭാരമെന്ന് പൊലീസ്

ബോട്ട് മുങ്ങി ഒരു കുടുംബത്തിലെ 13 പേര്‍ മരിച്ചു

ബോട്ട് മറിഞ്ഞ് ഒരു കുടുംബത്തിലെ പതിമൂന്ന് പേര്‍ക്ക് ദാരുണാന്ത്യം. ആന്ധ്രാപ്രദേശിലെ അനന്തപൂര്‍ ജില്ലയിലുള്ള എരാട്ടിമ രാജു തടാകത്തിലാണ് ദാരുണമായ ഈ അപകടം നടന്നത്. ഏഴ് സ്ത്രീകളും ആറ് കുട്ടികളുമാണ് മരിച്ചത്. രണ്ട് പേരെ കാണാതായിട്ടുണ്ട്. ഇവര്‍ക്കായി തിരച്ചില്‍ നടത്തുന്നു. ഒരു ചെറിയ ബോട്ടില്‍ 17 പേരാണ് ഉണ്ടായിരുന്നതെന്നും അമിത ഭാരമാണ് അപകടകാരണമെന്നുമാണ് പ്രാഥമിക നിഗമനം. 

ബോട്ട് മറിഞ്ഞ ഉടന്‍ തന്നെ കണ്ട് നിന്നവര്‍ രക്ഷാപ്രവര്‍ത്തനത്തിനായി തടാകത്തിലേക്ക് ചാടിയെങ്കിലും രണ്ട് പേരെ രക്ഷിക്കാന്‍ മത്രമേ അവര്‍ക്ക് സാധിച്ചുള്ളൂ. അടുത്തുള്ള ക്ഷേത്രത്തിലെ പ്രതിഷ്ഠാ ദിന ഉത്‌സവത്തില്‍ പങ്കെടുക്കാനെത്തിയവരാണ് അപകടത്തില്‍ പെട്ടത്. ബോട്ട് തടാകത്തിന്റെ മധ്യഭാഗത്ത് എത്തിയപ്പോളാണ് അപകടത്തില്‍പ്പെട്ടതെന്ന് ദൃക്‌സാക്ഷികള്‍ പറഞ്ഞു.