യുവതിക്കെതിരെ ലൈംഗികാതിക്രമം; ഗായകന്‍ അറസ്റ്റില്‍

ലൈംഗികാതിക്രമം ബോളിവുഡ് ഗായകന്‍ അറസ്റ്റില്‍

യുവതിക്കെതിരെ ലൈംഗികാതിക്രമം നടത്തിയെന്ന പരാതിയില്‍ ബോളിവുഡ് യുവ ഗായകന്‍ യാഷ് വഡാലി അറസ്റ്റില്‍. മുബൈ സ്വദേശിയായ യുവതിയുടെ പരാതിയെ തുടര്‍ന്ന് വഡാലിയെ പൊലീസ് അറസ്റ്റ് ചെയ്തു. ബുധനാഴ്ച രാത്രിയായിരുന്നു കേസിനാസ്പദമായ സംഭവം. 

മുബൈയില്‍ ഒരു സുഹൃത്തിന്റെ വീട്ടില്‍ പാര്‍ട്ടിക്കെത്തിയതായിരുന്നു യുവതിയും വഡാലിയും. ഇതിനിടയില്‍ പാട്ടു പാടുന്നതിനെ ചൊല്ലി യുവതിയും വഡാലിയും തമ്മില്‍ തര്‍ക്കമുണ്ടായി. തര്‍ക്കം രൂക്ഷമായപ്പോള്‍ വഡാലി യുവതിയുടെ വസ്ത്രത്തിന്റെ കോളറില്‍ കയറിപ്പിടിക്കുകയായിരുന്നു. ഇത് കൂടാതെ യുവതിയെ അസഭ്യം പറയുകയും ചെയ്തു. തുടര്‍ന്നാണ് യുവതി പൊലീസില്‍ പരാതി നല്‍കിയത്.