സ്‌കൂള്‍ വിദ്യാര്‍ഥിയെ കുത്തിക്കൊലപ്പെടുത്തി; പ്രതി പിടിയിൽ

കുത്തിയത് മാനസികാസ്വാസ്ഥ്യമുള്ള ആള്‍

കോഴിക്കോട് കുന്ദമംഗലത്ത് സ്കൂൾ വിദ്യാർഥിയെ കുത്തിക്കൊലപ്പെടുത്തി. മടവൂർ നരിക്കുനി സിഎം സെന്റർ എട്ടാം ക്ലാസ് വിദ്യാർഥിയായ വയനാട് സ്വദേശി അബ്ദുൽ മാജിദാണ് മരിച്ചത്. രാവിലെ പതിനൊന്നോടെയാണ് ദാരുണമായ സംഭവം നടന്നത്. പ്രതിയെ പൊലീസ് കസ്റ്റഡിയിൽ എടുത്തു.   

മാനസികാസ്വാസ്ഥ്യമുള്ള വ്യക്തിയാണ് പ്രതിയെന്നാണു സൂചന. ഒരു തരത്തിലുള്ള പ്രകോപനവും കൂടാതെയാണ് ഇയാള്‍ കുട്ടിയെ ആക്രമിച്ചതെന്നാണ് റിപ്പോർട്ട്. സ്കൂളിനു സമീപത്തുതന്നെ താമസിക്കുന്നയാളാണ് ഇയാൾ. സ്കൂളിലെ അധ്യാപകരും നാട്ടുകാരും ചേർന്നാണ് ഇയാളെ പിടികൂടി പൊലീസിൽ ഏൽപ്പിച്ചത്.