കോഴിക്കോട് ജില്ലയിൽ ഇന്ന് ഹർത്താൽ

കോഴിക്കോട് ജില്ലയിൽ ഇന്ന് ഹർത്താൽ പുരോഗമിക്കുന്നു

ജില്ല കമ്മിറ്റി ഓഫിസിനുനേരെ കഴിഞ്ഞ ദിവസം അർധരാത്രിയുണ്ടായ ബോം‌ബേറില്‍ പ്രതിഷേധിച്ച്​ സി.പി.എം കോഴിക്കോട് ജില്ല‍യിൽ ആഹ്വാനം ചെയ്ത ഹർത്താൽ പുരോഗമിക്കുന്നു. വെള്ളിയാഴ്ച രാവിലെ പാർട്ടി പ്രവർത്തകർ വാഹനങ്ങൾ നിരത്തിലിറങ്ങുന്നത് തടഞ്ഞെങ്കിലും മുതിര്‍ന്ന നേതാക്കൾ ഇടപെട്ട് വാഹനങ്ങൾ തടയരുതെന്ന നിർദേശം നൽകി. 

അതേസമയം, വടകരയിൽ ആർ.എസ്​.എസ്​. കാര്യാലയത്തിനു നേരെയുണ്ടായ ആക്രമണത്തില്‍ പ്രതിഷേധിച്ച് വടകര, കുറ്റ്യാടി, പേരാമ്പ്ര, നാദാപുരം, കൊയിലാണ്ടി എന്നീ നിയമസഭ മണ്ഡലങ്ങളിൽ സംഘപരിവാർ സംഘടനകളും ഹർത്താലിന് ആഹ്വാനം ചെയ്തിട്ടുണ്ട്​. രാവിലെ ആറു മണിമുതൽ വൈകിട്ട് ആറു വരെയാണ് ഹർത്താൽ.