സംസ്ഥാന പൊലീസില്‍ ഇനി മുതല്‍ യോഗ നിര്‍ബന്ധം; പുതിയ ഉത്തരവ് പുറത്തിറങ്ങി

പൊലീസ് സേനയില്‍ ഇന്ന് മുതല്‍ യോഗ നിര്‍ബന്ധം

സംസ്ഥാനത്തെ എല്ലാ പൊലീസ് സ്റ്റേഷനുകളിലും ചൊവ്വാഴ്ച മുതല്‍ യോഗ നിര്‍ബന്ധമാക്കുന്നു. ജനുവരി ഒന്നു മുതല്‍ കേരളത്തിലെ എല്ലാ പൊലീസ് സ്റ്റേഷനുകളിലും യോഗ നിര്‍ബന്ധമായും നടത്തണമെന്നായിരുന്നു ആദ്യനിര്‍ദേശം. എന്നാല്‍ പൊലീസ് മേധാവിയുടെ പ്രത്യേക നിര്‍ദേശപ്രകാരമാണ് ഇന്നു മുതല്‍ യോഗ ആരംഭിക്കുന്നത്.  

മിക്ക സ്റ്റേഷനുകളിലും ഈ ഉത്തരവ് സര്‍ക്കുലറായി ഇറക്കിയിട്ടുണ്ട്. സംസ്ഥാനത്തെ പൊലീസുകാര്‍ക്ക് ആരോഗ്യമുള്ള മനസ്സും ശരീരവും ഉറപ്പാക്കാനും ആത്മസംയമനം വളര്‍ത്താനുമാണ് യോഗയെന്നാണ് ഔദ്യോഗികമായ വിശദീകരണം.