വിവാഹമോചന നടപടിക്ക് എത്തിയ യുവതിക്ക് വെട്ടേറ്റു, മുൻ ഭർത്താവ് കസ്റ്റഡിയിൽ

ഒറ്റപ്പാലം: വിവാഹമോചന കേസിൻ്റെ നടപടികൾക്ക് ഒറ്റപ്പാലം കുടുംബ കോടതിയിലെത്തിയ യുവതിക്ക് വെട്ടേറ്റു. മനിശ്ശേരി സ്വദേശി സുബിതയ്ക്കാണ് വെട്ടേറ്റത്. മുൻ ഭർത്താവ് രഞ്ജിത്തിനെ സംഭവത്തിൽ പോലീസ് കസ്റ്റഡിയിലെടുത്തു. തിങ്കളാഴ്ച പതിനൊന്നോടെ കോടതിക്ക് സമീപമായിരുന്നു അക്രമണം.

സുബിതയുടെ കൈകളിൽ ഗുരുതരമായി പരിക്കേറ്റിട്ടുണ്ട്. ഇവരെ താലൂക്ക് ആശുപത്രിയിൽ എത്തിച്ച് പ്രാഥമിക ചികിത്സ നൽകിയതിന് ശേഷം തൃശൂർ മെഡിക്കൽ കോളേജിലേക്ക് കൊണ്ടുപോയി.