സ്റ്റിയറിങ് ഒറ്റ കൈയില്‍, ഒരു സൈഡിലേക്ക് തിരിഞ്ഞിരുന്ന് ഡാന്‍സ് കളിച്ച് വണ്ടി ഓടിക്കുന്നു; വടക്കഞ്ചേരി അപകടത്തിനു കാരണക്കാരനായ ടൂറിസ്റ്റ് ബസ് ഡ്രൈവറുടെ അഭ്യാസം (വീഡിയോ)
ടൂറിസ്റ്റ് ബസ് ഡ്രൈവര്‍ ജോമോനെതിരെ പൊലീസ് നരഹത്യക്കുറ്റം ചുമത്തിയിട്ടുണ്ട്
നാടിനെ നടുക്കിയ വാര്‍ത്തയായിരുന്നു പാലക്കാട് വടക്കഞ്ചേരിയില്‍ സ്‌കൂള്‍ വിദ്യാര്‍ഥികള്‍ വിനോദയാത്ര പോയ ടൂറിസ്റ്റ് ബസും കെ.എസ്.ആര്‍.ടി.സി. ബസും കൂട്ടിയിടിച്ചുണ്ടായ അപകടം. വിദ്യാര്‍ഥികള്‍ അടക്കം ഒന്‍പത് പേരാണ് അപകടത്തില്‍ മരിച്ചത്. ടൂറിസ്റ്റ് ബസിന്റെ അമിത വേഗവും ഓവര്‍ടേക്ക് ചെയ്യാനുള്ള തിടുക്കവുമാണ് അപകടത്തിനു കാരണമെന്നാണ് പൊലീസ് പറയുന്നത്.
ടൂറിസ്റ്റ് ബസ് ഡ്രൈവര്‍ ജോമോനെതിരെ പൊലീസ് നരഹത്യക്കുറ്റം ചുമത്തിയിട്ടുണ്ട്. ടൂറിസ്റ്റ് ബസ് ഡ്രൈവറെന്ന കാര്യം ബോധപൂര്‍വ്വം മറച്ചുവെച്ച് ജോമോന്‍ അപകടസ്ഥലത്തു നിന്ന് രക്ഷപ്പെട്ടിരുന്നു. ജോമോനെതിരെ ഇപ്പോള്‍ കൂടുതല്‍ ആരോപണങ്ങള്‍ ഉയരുകയാണ്. ജോമോന്റെ മോശം ഡ്രൈവിങ്ങിന്‍രെ തെളിവുകളാണ് സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്.
ഒരു സൈഡിലേക്ക് തിരിഞ്ഞിരുന്ന് ഡാന്‍സ് കളിച്ച് ഒറ്റ കൈ കൊണ്ട് സ്റ്റിയറിങ് നിയന്ത്രിക്കുന്ന ജോമോന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. ഇതിനെതിരെ കൂടി പൊലീസ് കേസെടുക്കണമെന്നാണ് ഇപ്പോള്‍ സോഷ്യല്‍ മീഡിയയില്‍ ആളുകള്‍ ആവശ്യപ്പെടുന്നത്.
