ഉച്ചയ്ക്ക് 12 മണിവരെ തിരുവനന്തപുരം കോര്‍പ്പറേഷനില്‍ പോളിങ് 25.55 ശതമാനം

തിരുവനന്തപുരം കോര്‍പ്പറേഷനില്‍ ഇപ്പോള്‍ ലഭിക്കുന്ന റിപ്പോര്‍ട്ട് പ്രകാരം 25.55 ശതമാനം പേര്‍ വോട്ട് ചെയ്തു. നന്ദന്‍കോട് ഡിവിഷനിലാണ് ഇതുവരെ ഏറ്റവും കൂടുതല്‍ പേര്‍ വോട്ട് രേഖപ്പെടുത്തിയിട്ടുള്ളത്. 32.8 ശതമാനം പേര്‍. പൊന്നുമംഗലം ഡിവിഷനില്‍ 31.92 ശതമാനവും പേര്‍ വോട്ട് ചെയ്തു. 

ബീമാപ്പള്ളി ഡിവിഷനിലാണ് ഏറ്റവും കുറവ് പോളിങ്. 16.38 ശതമാനം പേരാണ് ഇതുവരെ വോട്ട് ചെയ്തത്. മാണിക്യവിളാകം ഡിവിഷനാണ് പോളിങ് ശതമാനം കുറവുള്ള ഡിവിഷനുകളില്‍ രണ്ടാമത്. 17.12 ആണ് ഇവിടുത്തെ പോളിങ് ശതമാനം.