തിരുവനന്തപുരത്തെ രാമചന്ദ്രന്‍ വ്യാപാര ശാലയില്‍ 61 ജീവനക്കാര്‍ക്ക് കൊവിഡ് സ്ഥിരീകരിച്ചു

തിരുവനന്തപുരത്തെ അട്ടക്കുളങ്ങര രാമചന്ദ്രന്‍ വ്യാപാര ശാലയില്‍ 61 ജീവനക്കാര്‍ക്ക് കൊവിഡ് സ്ഥിരീകരിച്ചു. ഒരുമിച്ചു താമസിച്ചിരുന്ന ജീവനക്കാര്‍ക്കാണ് രോഗം ബാധിച്ചത്. ഇതോടെ ഇന്നലെ ജില്ലയില്‍ രോഗം ബാധിച്ചവരുടെ എണ്ണം 218 ആയി. ജില്ലയില്‍ അധികവും സമ്പര്‍ക്കം വഴിയാണ് രോഗം ഉണ്ടാകുന്നത്. മാണിക്യവിളാകം, പുത്തന്‍പള്ളി, പൂന്തുറ പ്രദേശങ്ങളിലാണ് കൂടുതല്‍ രോഗികള്‍. 

അതേസമയം തിരുവനന്തപുരം ഗ്രീന്‍ ഫീല്‍ഡ് സ്റ്റേഡിയവും പരിസരവും കൊവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററാക്കും. കൂടാതെ രോഗികളുടെ എണ്ണം കൂടുന്ന സാഹചര്യത്തില്‍ പൂന്തുറ സെന്റ് തോമസ് സ്‌കൂളില്‍ താല്‍ക്കാലിക ആശുപത്രി സജ്ജമാക്കിയിട്ടുണ്ട്.