മധ്യവർഗം തരൂരിനെ കൈവിട്ടു, തിരുവനന്തപുരത്ത് മത്സരം ബിജെപിയും എൽഡിഎഫും തമ്മിലെന്ന് പന്ന്യൻ രവീന്ദ്രൻ

Panniyan Raveendran

ശശി തരൂരിനെ തലസ്ഥാനത്തെ മധ്യവര്‍ഗം കൈവിട്ടെന്നും ഇത്തവണ തരൂരിന്റെ വോട്ടുകളില്‍ വലിയ ചോര്‍ച്ച തന്നെയുണ്ടാകുമെന്നും എല്‍ഡിഎഫ് സ്ഥാനാര്‍ഥി പന്ന്യന്‍ രവീന്ദ്രന്‍. രണ്ടാം സ്ഥാനത്തിന് വേണ്ടിയാണ് രാജീവ് ചന്ദ്രശേഖറും ശശി തരൂരും മത്സരിക്കുന്നതെന്നും ഇത്തവണ തിരുവനന്തപുരത്തെ മത്സരം ബിജെപിയും എല്‍ഡിഎഫും തമ്മിലാണെന്നും പന്ന്യന്‍ രവീന്ദ്രന്‍ ആവര്‍ത്തിച്ചു.

കഴിഞ്ഞ ദിവസവും മണ്ഡലത്തില്‍ മത്സരം ബിജെപിയും എല്‍ഡിഎഫും തമ്മിലാണെന്ന് പന്ന്യന്‍ രവീന്ദ്രന്‍ പറഞ്ഞിരുന്നു. പിന്നാലെ പന്ന്യനെ തിരുത്തി സിപിഎം സംസ്ഥാന സെക്രട്ടറി എം വി ഗോവിന്ദന്‍ രംഗത്ത് വന്നിരുന്നു. തിരുവനന്തപുരത്തെ മത്സരം യുഡിഎഫും എല്‍ഡിഎഫും തമ്മിലാണെന്നും എം വി ഗോവിന്ദന്‍ പറഞ്ഞിരുന്നു.