ഒരുമിച്ചു ജനിച്ച മൂന്നു സഹോദരങ്ങൾക്കും എല്ലാ വിഷയങ്ങൾക്കും എ പ്ലസ്

പാലക്കാട്: ഒരുമിച്ചു ജനിച്ച ഒരമ്മ പെറ്റ മൂന്നു സഹോദരങ്ങൾക്കും എല്ലാ വിഷയങ്ങൾക്കും എ പ്ലസ് ലഭിച്ചു. കോട്ടായി ചൂലന്നൂർ പന്നികുളമ്പ് വീട്ടിൽ സുരേഷ് - രമ ദമ്പതികളുടെ മക്കളാണ് മാതാപിതാക്കൾക്കൊപ്പം നാടിനും നാട്ടാർക്കും സന്തോഷം ഉണ്ടാക്കുന്ന ഈ നേട്ടം കൈവരിച്ചത്.  

കോട്ടായി സർക്കാർ ഹയർ സെക്കണ്ടറി സ്‌കൂളിലെ കുട്ടികൾ കൂടിയായ അംഗിത, ആദിഷ്, ആർദ്ര എന്നിവർക്കാണ് മുഴുവൻ വിഷയങ്ങളിലും എ പ്ലസ് നേട്ടം ഉണ്ടാക്കാൻ കഴിഞ്ഞത്. ഇവർ മൂവരും സ്‌കൂളിലെ സ്റ്റുഡന്റസ് കേഡറ്റ് അംഗങ്ങളുമാണ്.

മികച്ച പഠന നിലവാരം ഉണ്ടാക്കുന്ന മൂവരിൽ അംഗിതിന് കണക്കിലും മറ്റു രണ്ടു പേർക്കും ശാസ്ത്ര വിഷയങ്ങളിലുമാണ് കൂടുതൽ താത്പര്യം എന്നാണ് ഇവർ പറഞ്ഞത്.