അമിതമായി ഗുളിക കഴിച്ചു; സജ്ന ഷാജി ആശുപത്രിയിൽ

അമിതമായി ഗുളിക കഴിച്ചതിനെ തുടർന്ന് സജ്ന ഷാജിയെ ആശുപയിൽ പ്രവേശിപ്പിച്ചു. വഴിയരികിൽ ബിരിയാണികച്ചവടം നടത്തിവരികയായിരുന്ന സജ്ന തനിയ്ക്കെതിരായ ആക്രമണം ചെറുത്തതിന്റെ പേരിൽ സാമൂഹ്യ മാധ്യമങ്ങളിൽ അടക്കം വലിയ ആക്രമണം നേരിട്ടിരുന്നു. വിവാദങ്ങളിൽ മനംമടുത്തതാവാം ആത്മഹത്യ ശ്രമത്തിന് കാരണം എന്ന് പൊലീസ് പറഞ്ഞു. 

13 വർഷങ്ങൾക്ക് മുൻപാണ് കോട്ടയം സ്വദേശിനിയായ സജ്ന ജിവിത മാർഗം തേടി എറണാകുളത്തെത്തുന്നത്. ട്രാൻസ്ജെൻഡർ വിഭാഗത്തിൽപ്പെട്ടയാൾ ആയതിനാൽ ജോലി ലഭഭിയ്കാതെ വന്നതോടെ ട്രെയിനിൽ ഭിക്ഷയെടുത്താണ് ജീവിതം തുടങ്ങിയത്. മൂന്നു മാസങ്ങൾക്ക് മുൻപാണ് തൃപ്പൂണിത്തുറയിലെ ഇരുമ്പനത്ത് വഴിയോര ബിരിയാണി കച്ചവടം തുടങ്ങിയത്.