എല്‍ഡിഎഫിന് തുടര്‍ഭരണം പ്രവചിച്ച് ന്യൂസ് ചാനലുകളുടെ പ്രീപോള്‍ സര്‍വേകള്‍

എല്‍ഡിഎഫിന് തുടര്‍ഭരണം പ്രവചിച്ച് ന്യൂസ് ചാനലുകളുടെ പ്രീപോള്‍ സര്‍വേകള്‍. മാതൃഭൂമി, മനോരമ ന്യൂസ്, മീഡിയവണ്‍ എന്നീ ചാനലുകളാണ് എല്‍ഡിഎഫിന് തുടര്‍ഭരണം ലഭിക്കുമെന്ന് ഇപ്പോള്‍ പ്രവചിച്ചിരിക്കുന്നത്. എല്‍ഡിഎഫിന് 77മുതല്‍ 82 സീറ്റുവരെ ലഭിക്കുമെന്നാണ് മനോരമ ന്യൂസ്- വിഎംആര്‍ സര്‍വേ പറയുന്നത്. യുഡിഎഫിന് 54-59 സീറ്റാണ് പ്രവചിച്ചിരിക്കുന്നത്. എന്‍ഡിഎക്ക് മൂന്ന് സീറ്റും പ്രവചനത്തിലുണ്ട്.

മീഡിയവണ്‍-പൊളിറ്റിക് മാര്‍ക് സര്‍വേ പ്രകാരം എല്‍ഡിഎഫിന് 73മുതല്‍ 78 സീറ്റുവരെ ലഭിക്കും എന്നാണ് പറയുന്നത്. യൂഡിഎഫിന് 60-65 സീറ്റും ബിജെപിക്ക് രണ്ടുസീറ്റുവരെയും നേടാമെന്ന് പ്രവചനമുണ്ട്. മാതൃഭൂമി ന്യൂസ്-സീ വോട്ടര്‍ സര്‍വേ പ്രകാരം 73-83സീറ്റാണ് എല്‍ഡിഎഫിന് പ്രവചിച്ചിരിക്കുന്നത്.