കോഴിക്കോട് യു എ പി എ കേസിൽ റിമാൻഡിൽ കഴിയുന്ന അലനും താഹയും മാവോയിസ്റ്റുകളാണെന്ന് മുഖ്യമന്ത്രി പിണറായി വിജയൻ. തിരുവനന്തപുരത്ത് വാർത്താസമ്മേളനത്തിൽ മാധ്യമപ്രവർത്തകരുടെ ചോദ്യങ്ങൾക്ക് ഉത്തരങ്ങൾ നൽകുകയായിരുന്നു അദ്ദേഹം.
അവർ മാവോയിസ്റ്റുകളാണ്. സി പി എം പ്രവർത്തരൊന്നും അല്ല. പരിശോധന നടന്നു കഴിഞ്ഞുവല്ലോ, അതെല്ലാം വ്യക്തമായതാണ് മുഖ്യമന്ത്രി പറഞ്ഞു.
സി പി എം അംഗങ്ങളായ അലനെയും താഹയേയും മാവോയിസ്റ്റ് ബന്ധം ആരോപിച്ചാണ് കോഴിക്കോട് പന്തീരങ്കാവിൽ നിന്നും പോലീസ് അറസ്റ്റ് ചെയ്തത്. ഇരുവരുടെയും മാവോയിസ്റ്റ് ബന്ധത്തിന് വ്യക്തമായ തെളിവുകൾ ഉണ്ടെന്ന് കാണിച്ച് പോലീസ് ഇവർക്കെതിരെ യു എ പി എ ചുമത്തുകയും ചെയ്തിരുന്നു.
യു എ പി എ കേസിൽ ഇരുവരും ജില്ലാ പ്രിൻസിപ്പൽ സെഷൻസ് കോടതിയെയും ഹൈക്കോടതിയെയും സമീപിച്ചിരുന്നെങ്കിലും രണ്ടുപേർക്കും ജാമ്യം അനുവദിച്ചിരുന്നില്ല.
