മതപരമായ ചടങ്ങുക‌ൾക്കുള്ള പോലീസ് സുരക്ഷയ്ക്ക് പണം വാങ്ങ‌ണം, ശുപാർശ സർക്കാരിലേക്ക്

മതപരമായ ചടങ്ങുകൾക്കും ഉത്സവങ്ങൾക്കും സൗജന്യ സുരക്ഷ നൽകേണ്ടതില്ലെന്ന നിലപാടിലേക്ക് കേരള പോലീസ്. പൊലീസ്. ചടങ്ങുകളുടെ സുരക്ഷയ്ക്ക് പണം വാങ്ങാനുള്ള പൊലീസ് ശുപാർശ സർക്കാരിന് നൽകും. ഏറെ കാലമായി ഇക്കാര്യത്തിൽ പൊലീസിനുള്ളിൽ ചർച്ചകൾ നടക്കുന്നുണ്ടെങ്കിലും പോലീസിനുള്ളിൽ ഒരു വിഭാഗത്തിന് തീരുമാനത്തിനോട് എതിർപ്പുള്ളതിനാൽ ഇത് തീരുമാനത്തിലെത്താതെ പോകുകയായിരുന്നു. 

കഴിഞ്ഞ ദിവസം നടന്ന എഡിജിപി തലയോഗത്തിലാണ് ഇക്കാര്യത്തിൽ ശുപാർശക്ക് ധാരണയായത്. ബന്ധപ്പെട്ടവർ ഒരു നിശ്ചിത തുക സർക്കാരിലേക്ക് അടച്ച ശേഷം പോലീസ് ക്രമസമാധാന ചുമതല ഏറ്റെടുക്കുന്നതാണ് ശുപാർശ.