ബംഗാള്‍ ഉള്‍ക്കടലില്‍ ആന്ധ്രാ-ഒഡിഷ തീരത്തിനു സമീപം പുതിയ ചക്രവാതച്ചുഴി രൂപപ്പെട്ടു. അടുത്ത 24 മണിക്കൂറിനുള്ളില്‍ ചക്രവാതച്ചുഴി ന്യൂനമര്‍ദ്ദമായി ശക്തി പ്രാപിക്കും. കേരളത്തില്‍ ഇന്ന് വ്യാപക മഴയ്ക്കും ശക്തമായ കാറ്റിനും സാധ്യത. മധ്യ-വടക്കന്‍ കേരളത്തില്‍ മഴ കനക്കും. മലയോര മേഖലയില്‍ അതീവ ജാഗ്രത പാലിക്കണം. അറബിക്കടലില്‍ കാറ്റ് ശക്തമായതിനാല്‍ വടക്കന്‍ ജില്ലകളില്‍ കാറ്റോടു കൂടിയ മഴയ്ക്ക് സാധ്യതയുണ്ട്.
