ബസ്സിന്റെ വാതില്‍ അടച്ചില്ല; കോഴിക്കോട് ബസ്സില്‍ നിന്ന് റോഡിലേക്ക് തെറിച്ച് വീണ യാത്രക്കാരി മരിച്ചു

ബസ്സിന്റെ വാതില്‍ അടക്കാത്തതിനെ തുടര്‍ന്ന് കോഴിക്കോട് ബസ്സില്‍ നിന്ന് റോഡിലേക്ക് തെറിച്ച് വീണ യാത്രക്കാരി മരിച്ചു. നരിക്കുനി ഒട്ടുപാറ വാടകയ്ക്ക് താമസിച്ചിരുന്ന കൊയിലാണ്ടി സ്വദേശിനി ഉഷയാണ് മരിച്ചത്. 53 വയസ്സായിരുന്നു. ഇന്ന് രാവിലെ 7 മണിക്കാണ് അപകടം ഉണ്ടായത്. നരിക്കുനി എളേറ്റില്‍ റോഡിലാണ് സംഭവം. ബസ്സിന്റെ വാതില്‍ അടയ്ക്കാതിരുന്നതാണ് അപകടത്തിന് കാരണമായത്. ആയുര്‍വേദ തെറാപ്പിസ്റ്റ് ആണ് ഉഷ.