കൊല്ലത്ത് മൂന്നുവയസുകാരി ഭക്ഷണം തൊണ്ടയില്‍ കുടുങ്ങി മരിച്ചു

കൊല്ലത്ത് മൂന്നുവയസുകാരി ഭക്ഷണം തൊണ്ടയില്‍ കുടുങ്ങി മരിച്ചു. കൊല്ലം ജില്ലയിലെ തഴവയിലാണ് സംഭവം. തഴവ ആദിനാട് തെക്ക് കണ്ടനാട്ട്  വീട്ടില്‍ അജ്മല്‍ഷാ - ഷഹന ദമ്ബതികളുടെ ഏക മകള്‍ ഇനായ മറിയം ആണ് മരിച്ചത്.

കഴിഞ്ഞ ദിവസം രാത്രി ഭക്ഷണം കൊടുക്കുന്നതിനിടെ കുട്ടിയുടെ തൊണ്ടയില്‍ കുടുങ്ങുകയായിരുന്നു. ഉടന്‍ തന്നെ വീടിനടുത്തുള്ള ക്ലിനിക്കിലും കരുനാഗപ്പള്ളിയിലെ സ്വകാര്യ ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല.