കൊല്ലത്ത് പുലര്‍ച്ചെ വാഹനാപകടം: നാലുപേര്‍ മരിച്ചു

കൊല്ലത്ത് ഇന്ന് പുലര്‍ച്ചെയുണ്ടായ വാഹനാപകടത്തില്‍ നാലുപേര്‍ മരിച്ചു. ചവറയില്‍ പുലര്‍ച്ചെ മൂന്ന് മണിയോടെയാണ് അപകടം നടന്നത്. മരിച്ചവരെല്ലാം മത്സ്യത്തൊഴിലാളികളാണ്. കരുണാമ്പരം(56), ബക്കുര്‍മന്‍സ്(45), ജസ്റ്റിന്‍(56), ബിജു(35) എന്നിവരാണ് മരണപ്പെട്ടത്. ഇവര്‍ തിരുവനന്തപുരം-തമിഴ്‌നാട് സ്വദേശികളാണ്. അതേസമയം അപകടത്തില്‍ പെട്ട രണ്ടുപേരുടെ നില അതീവ ഗുരുതരമാണ്.