വനിതാ ഡോക്ടറെ ബലമായി ചുംബിച്ച സീനിയർ ഡോക്ടർക്കെതിരെ അന്വേഷണം

എറണാകുളം: എറണാകുളം ജനറൽ ആശുപത്രിയിലെ വനിതാ ഡോക്ടറെ ബലമായി ചുംബിച്ചു എന്ന പരാതിയിൽ മുതിർന്ന ഡോക്ടർക്കെതിരെ അന്വേഷിക്കാൻ ആരോഗ്യവകുപ്പ് മന്ത്രി വീണാ ജോർജ്ജ് ആരോഗ്യ വകുപ്പ് ഡയറക്ടറോട് ആവശ്യപ്പെട്ടു. 2019 ലാണ് പരാതിക്ക് കാരണമായി പറയുന്ന സംഭവം നടന്നത്.

ജനറൽ ആശുപത്രിയിൽ ഹൌസ് സർജൻസി ചെയ്യുന്നതിനിടെ തന്നെ സീനിയർ ഡോക്ടർ ക്വർട്ടേഴ്‌സിനടുത്തുള്ള ക്ലിനിക്കിലേക്ക് വിളിച്ചു വരുത്തി ശരീരത്തിൽ കടന്നു പിച്ച് മുഖത്ത് ബലമായി ചുംബിച്ചു എന്നാണു വനിതാ ഡോക്ടറുടെ പരാതി. ഇതുമായി ബന്ധപ്പെട്ടു വനിതാ ഡോക്ടർ ഫേസ് ബുക്കിലാണ് കുറിപ്പിട്ടത്. ഈ കുറിപ്പ് ശ്രദ്ധയിൽ പെട്ട മന്ത്രി നടപടി എടുക്കാൻ ഡയറക്ടറോട് നിർദ്ദേശിക്കുകയായിരുന്നു. ഇതിനൊപ്പം പോലീസിൽ റിപ്പാർട്ട് ചെയ്യാനും ആരോഗ്യ വകുപ്പ് ഡയറക്ടർക്ക് നിർദ്ദേശം നൽകിയിട്ടുണ്ട്.

ആരോപണ വിധേയനായ ഡോക്ടർ ഇപ്പോൾ ആലുവാ ജില്ലാ ആശുപത്രിയിലാണുള്ളത്. ഇപ്പോൾ വിദേശത്തുള്ള വനിതാ ഡോക്ടർ ആരോഗ്യ വകുപ്പ് ഡയറക്ടർ, ആശുപത്രി സൂപ്രണ്ട് എന്നിവർക്ക് എ മെയിൽ മുഖേനയാണ് പരാതി നൽകിയത്.