മഴ തുടരും, നാളെ പകല്‍ സമയത്ത് സമാന കാലാവസ്ഥ; കാരണം പടിഞ്ഞാറന്‍ കാറ്റ്

കേരള തീരത്തേക്ക് വീശുന്ന പടിഞ്ഞാറന്‍ കാറ്റിന്റെ സ്വാധീനത്താല്‍ ഇന്ന് രാത്രി മുഴുവനും നാളെ പകല്‍ സമയത്തും കേരളത്തില്‍ ശക്തമായ മഴയ്ക്ക് സാധ്യത. അടുത്ത 38 മണിക്കൂര്‍ നേരത്തേക്ക് പടിഞ്ഞാറന്‍ കാറ്റ് ശക്തമായി തുടര്‍ന്നേക്കും. ആലപ്പുഴ മുതല്‍ കാസര്‍ഗോഡ് വരെയുള്ള ജില്ലകളില്‍ രാത്രിയിലും മഴ തുടരാന്‍ സാധ്യത. മധ്യ കേരളത്തിലും വടക്കന്‍ കേരളത്തിലും ശക്തമായ മഴയ്ക്ക് സാധ്യതയുണ്ട്. വടക്കന്‍ ജില്ലകളില്‍ രാത്രി മഴ ശക്തമാകാന്‍ സാധ്യതയുള്ളതിനാല്‍ മലയോര മേഖലകളില്‍ അതീവ ജാഗ്രത വേണം.