കാസർകോട് പെരിയയിലെ ജവഹർ നവോദയ വിദ്യാലയത്തിൽ വിദ്യാർഥികൾക്ക് എച്ച്1എൻ1 ബാധ സ്ഥിരീകരിച്ചു. മണിപ്പാൽ ആശുപത്രിയിലാണ് രക്ത സാംപിളുകള്‍ പരിശോധിച്ചത്.
37 ആൺകുട്ടികൾക്കും 30 പെൺകുട്ടികൾക്കുമാണ് രോഗലക്ഷണങ്ങൾ കണ്ടെത്തിയിരിക്കുന്നത്. നവോദയയിലെ 67 വിദ്യാർഥികൾ കാഞ്ഞങ്ങാട് ജില്ലാ ആശുപത്രി, സിഎച്ച്സി എന്നിവിടങ്ങളിൽ ചികിത്സയിലാണ്.
ഇവരിൽ പലർക്കും എച്ച്1എൻ1 ലക്ഷണങ്ങൾ ഉണ്ടെന്നു ഡിഎംഒ അറിയിച്ചു. പനി ഗുരുതരമായ രണ്ട് കുട്ടികളെ ജില്ലാ ആശുപത്രിയിലേക്ക് മാറ്റി. നാല് കുട്ടികൾ വീട്ടിലേക്ക് ചികിത്സ തേടിപ്പോയി.
ഇത്രയധികം കുട്ടികളെ ആശുപത്രിയിലേക്ക് മാറ്റാൻ അസൗകര്യമുള്ളതിനാൽ സ്കൂളിൽത്തന്നെ പ്രത്യേക വാർഡ് തുറന്ന് ചികിത്സ നടത്തുകയാണ് ആരോഗ്യവകുപ്പ്.
