സർക്കാരിന്റെ പിടിവാശി വിദ്യാർഥികളുടെ ഭാവി ഓർത്ത്: പിണറായി വിജയൻ

സർക്കാർ പിടിവാശിയിലാണ്, വിദ്യാർഥികളുടെ കാര്യമോർത്ത്: പിണറായി വിജയൻ

സർക്കാറിന്​ പിടിവാശിയുള്ളത്​ വിദ്യാർഥികളുടെ ഭാവിയുടെ കാര്യത്തിൽ മാത്രമാണെന്ന്​ മുഖ്യമന്ത്രി പിണറായി വിജയൻ. സ്വാശ്രയ പ്രശ്നം അവസാനിപ്പിക്കണമെന്ന നിലപാടല്ല പ്രതിപക്ഷത്തിനുള്ളത്​. പരിയാരം മെഡിക്കൽ കോളജിലെ 30 കുട്ടികളുടെ പേരിലാണ് ഇപ്പോഴത്തെ സമരം. 

സർക്കാർ പരിയാരം മെഡിക്കൽ കോളജ് ഏറ്റെടുക്കുന്നതോടെ ഫീസ് കുറയും. അപ്പോൾ ഫീസിന്റെ കാര്യത്തിൽ ഭയക്കേണ്ട. ക്രമക്കേട് കാട്ടിയ മാനേജ്മെൻറുകൾക്കെതിരെ നേരത്തെ നടപടി ഉണ്ടായിട്ടില്ല. എന്നാൽ മാനേജ്മെൻറുകൾക്ക് ഈ സർക്കാർ കൃത്യമായ ലക്ഷ്​മണരേഖ വരച്ചിട്ടുണ്ട്.

തലവരിപ്പണത്തെക്കുറിച്ച് വിജിലൻസോ ക്രൈംബ്രാഞ്ചോ അന്വേഷിക്കുന്നതിൽ തർക്കമില്ലെന്നും സ്പീക്കറുടെ സാന്നിധ്യത്തിൽ നടന്ന ചർച്ചക്കുശേഷം നിയമസഭയിൽ നടത്തിയ പ്രസ്താവനയിൽ മുഖ്യമന്ത്രി പറഞ്ഞു.