ദിലീപിന്റെ അറസ്‌റ്റ്: പ്രചരിക്കുന്ന വാര്‍ത്തകള്‍ തള്ളി മഞ്ജു രംഗത്ത് - പൊലീസ് ഒരു നിര്‍ദേശവും നല്‍കിയിട്ടില്ല

കൊച്ചിയില്‍ യുവനടിയെ തട്ടിക്കൊണ്ടു പോയി ഉപദ്രവിച്ച കേസിലെ അന്വേഷണം പുരോഗമിക്കുന്നതിനിടെ വിദേശ യാത്ര റദ്ദാക്കാൻ പ്രത്യേക അന്വേഷണ സംഘം ആവശ്യപ്പെട്ടുവെന്ന വാര്‍ത്തകളെ തള്ളി നടി മഞ്ജു വാര്യരുമായി ബന്ധമുള്ള  അടുത്ത വൃത്തങ്ങള്‍ രംഗത്ത്.

കമല്‍ സംവിധാനം ചെയ്യുന്ന ആമി എന്ന സിനിമയുടെ രണ്ടാം ഷെഡ്യൂള്‍ ചിത്രീകരണം അവാര്‍ഡ് നിശയുടെ അതേ ദിവസങ്ങളില്‍ ആയതിനാല്‍ ന്യൂയോര്‍ക്കില്‍ ജൂലൈ 22ന് നടക്കുന്ന നാഫാ അവാര്‍ഡ് നിശയില്‍ പങ്കെടുക്കാനാകില്ലെന്ന് ഒരു മാസം മുമ്പേ മഞ്ജു സംഘാടകരെ അറിയിച്ചിരുന്നു. ഇപ്പോള്‍ പുറത്തുവരുന്ന വാര്‍ത്തകള്‍ അടിസ്ഥാന രഹിതമാണെന്നും ഇവര്‍  വിശദീകരിക്കുന്നു.

അമേരിക്കയിൽ അടുത്തയാഴ്ച നടക്കുന്ന പരിപാടികളിൽ പങ്കെടുക്കാന്‍ ഇരിക്കുകയായിരുന്നു മഞ്ജു. ചിക്കാഗോയിലും ന്യൂയോർക്കിലുമായി രണ്ട് അവാർഡ് ദാന പരിപാടിയിലാണ് മഞ്ജു പങ്കെടുക്കേണ്ടിയിരുന്നത്.

നടിയെ ആക്രമിച്ച കേസിന്റെ അന്വേഷണം നിർണ്ണായക ഘട്ടത്തിലെത്തി നിൽക്കെ മഞ്ജുവിനോട് വിദേശയാത്ര റദ്ദാക്കാൻ പൊലീസ് ആവശ്യപ്പെടുകയായിരുന്നു. മഞ്ജു വാര്യരുടെ അമേരിക്കയിലേക്കുള്ള യാത്ര റദ്ദാക്കിയതായി അവരുടെ വക്താവ് സ്ഥിരീകരിച്ചിട്ടുണ്ട്.