പതിനാറുകാരൻ പാടത്തു മുങ്ങിമരിച്ചു

ആലുവ: നീന്തൽ പഠിച്ചു ഒരു ദിവസം മാത്രമായ പതിനാറുകാരൻ ഇത് കൂട്ടുകാരെ കാണിക്കാൻ പാടത്തുപോയി നീന്തിയപ്പോൾ ചതുപ്പിൽ പെട്ട് മുങ്ങിമരിച്ചു. ആലുവ ബിനാനിപുരം സ്വദേശി ആദിത്യ സജീവാണു മുങ്ങിമരിച്ചത്.

കുട്ടിക്കൊപ്പം രണ്ട് സുഹൃത്തുക്കളും ഉണ്ടായിരുന്നു. പ്രദേശത്തു കനത്ത മഴയെ തുടർന്ന് വെള്ളക്കെട്ട് രൂപപ്പെട്ടിരുന്നു. കൂടെ പോയ മറ്റൊരു കുട്ടിയും ചതുപ്പിൽ പെട്ടെങ്കിലും രംക്ഷിക്കുകയായിരുന്നു.മുപ്പത്തടം ഹയർ സെക്കണ്ടറി സ്‌കൂൾ വിദ്യാർത്ഥിയാണ് മരിച്ച ആദിത്യ സജീവ്.