സുനിയുടെ മാഡം രക്ഷപ്പെടും; കാവ്യയിലേക്ക് അന്വേഷണം എത്തില്ല - വെളിപ്പെടുത്തലിനേക്കുറിച്ച് അറിയില്ലെന്ന് എസ്‌പി

കാവ്യയിലേക്ക് അന്വേഷണം എത്തില്ല - വെളിപ്പെടുത്തലിനേക്കുറിച്ച് അറിയില്ലെന്ന് എസ്‌പി

കൊച്ചിയില്‍ യുവനടിയെ തട്ടിക്കൊണ്ടു പോയ കേസില്‍ അറസ്‌റ്റിലായി റിമാന്‍‌ഡില്‍ കഴിയുന്ന ദിലീപിന്റെ ഭാര്യയും നടിയുമായ കാവ്യ മാധവനെ കുറിച്ച് മുഖ്യപ്രതി പള്‍‌സര്‍ സുനി നടത്തിയ പരാമർശത്തെക്കുറിച്ചു തനിക്കറിയില്ലെന്ന് ആലുവ റൂറൽ എസ്പി എവി ജോര്‍ജ്.

മാധ്യമങ്ങളിലൂടെ പുറത്തുവന്ന വാർത്ത മാത്രമേ തനിക്ക് അറിയൂ എന്നാണ് എസ്പി ഇപ്പോള്‍ വ്യക്തമാക്കിയിരിക്കുന്നത്.

മുതിർന്ന നടിയെ തട്ടിക്കൊണ്ടുപോകാൻ ശ്രമിച്ച കേസിൽ ഹാജരാക്കാനെത്തിച്ചപ്പോഴാണ് തന്റെ മാ‍ഡം കാവ്യാ മാധവനാണെന്ന വെളിപ്പെടുത്തൽ പൾസർ സുനി നടത്തിയത്.

കൊച്ചിയില്‍ നടി ആക്രമിക്കപ്പെട്ട സംഭവത്തില്‍ തുടക്കം മുതല്‍ ഉയര്‍ന്ന കേട്ട ‘മാഡം’ എന്ന വ്യക്തി കാവ്യാ ആണെന്നാണ്  സുനി ഇന്ന് മാധ്യമങ്ങളോട് പറഞ്ഞത്.

“ഞാന്‍ കള്ളനല്ലേ... കള്ളന്റെ കുമ്പസാരം എന്തിന് കേള്‍ക്കുന്നു?, എന്റെ മാഡം കാവ്യ തന്നെയാണ്. തനിക്ക് പലതവണ കാവ്യ പണം തന്നിട്ടുണ്ടെന്ന് നേരത്തേ വ്യക്തമാക്കിയിരുന്നു. കാവ്യയാണ് മാഡമെന്ന് താന്‍ നേരത്തേ സൂചിപ്പിച്ചിരുന്നു” - എന്നുമാണ് സുനി ഇന്ന് പറഞ്ഞത്.