‘സംഘികളുടെ നാണമില്ലാത്ത നുണ പ്രചാരണത്തിന് മറ്റൊരു തെളിവ്‘; സംഘപരിവാറിനെതിരെ എംബി രാജേഷ്
‘സംഘികളുടെ നാണമില്ലാത്ത നുണ പ്രചാരണത്തിന് മറ്റൊരു തെളിവ്‘; തന്റെ പേരില്‍ വ്യാജ പോസ്റ്റുണ്ടാക്കി പ്രചരിപ്പിച്ച സംഘപരിവാറിനെതിരെ എംബി രാജേഷ്
തന്റെ പേരില്‍ വ്യാജ പോസ്റ്റുണ്ടാക്കി പ്രചരിപ്പിച്ച സംഘപരിവാറിനെതിരെ എംബി രാജേഷ് എംപി. കൊച്ചിയിലെത്തിയ സണ്ണി ലിയോണിന്റെ ചിത്രംതാന്‍ ഷെയര്‍ ചെയ്‌തെന്ന പേരില്‍ പ്രചരിപ്പിച്ച സംഘപരിവാറിനെതിരെയാണ് രാജേഷ് രംഗത്തെത്തിയത്. രാജേഷ് തന്റെ ഫേസ് ബുക്ക് പേജിലൂടെയാണ് പ്രതികരണം അറിയിച്ചത്.
”സംഘികളുടെ നാണമില്ലാത്ത നുണ പ്രചാരണത്തിന് മറ്റൊരു തെളിവ്. എന്റെ പേരില്‍ വ്യാജ പോസ്റ്റുണ്ടാക്കി പ്രചരിപ്പിക്കുകയാണ്. ഇന്ത്യയിലെ റോഡെന്ന് പറഞ്ഞ് റഷ്യയിലെ റോഡ് പോസ്റ്റ് ചെയ്യുന്ന മന്ത്രി പുംഗവന്മാരുടെ സംസ്‌ക്കാര ശൂന്യരായ അനുയായികളില്‍ നിന്ന് ഇതല്ലാതെ എന്ത് പ്രതീക്ഷിക്കാന്‍” എന്നായിരുന്നു എം.ബി രാജേഷിന്റെ ചോദ്യം.
