ബൈക്കില്‍ സഞ്ചരിച്ച് കമിതാക്കളുടെ സെല്‍ഫി; കാമുകന്റെ ലൈസന്‍സ് സസ്പെന്‍ഡ് ചെയ്യാന്‍ തീരുമാനം

സെല്‍ഫി പണിയായി...കാമുകി നീ അത് ചെയ്തിരുന്നില്ലെങ്കില്‍ !

സെല്‍ഫിയെടുത്ത് പണികിട്ടുന്നത് ഇത് ആദ്യമല്ല. പക്ഷേ സെല്‍ഫിയെടുത്തതിന്റെ പേരില്‍ യുവാവിന്റെ ലൈസന്‍സ് കട്ടാകുന്നത് ഇത് ആദ്യമായാണ്. ബൈക്കില്‍ സഞ്ചരിച്ച് സെല്‍ഫി പകര്‍ത്തിയ കമിതാക്കളില്‍ കാമുകന്റെ ലൈസന്‍സ് സസ്പെന്‍ഡ് ചെയ്യാന്‍ തീരുമാനം. 

മോട്ടോര്‍ വാഹന വകുപ്പിന്റെ വണ്ടിക്ക് മുന്നിലായിരുന്നു സെല്‍ഫി പരമ്പര. ഈ വാഹനം ശ്രദ്ധിക്കാതെ കാമുകനെയും ചേര്‍ത്ത് കാമുകിയാണ് പിന്നിലിരുന്ന് സെല്‍ഫികള്‍ പകര്‍ത്തിയത്. നഗരത്തിലെ കോളേജിലെ ബികോം വിദ്യാര്‍ത്ഥിനിയും ബിടെക് പൂര്‍ത്തിയാക്കിയ കാമുകനുമാണ് പിടിയിലായത്. 

യാത്രയ്ക്കിടയില്‍ യുവതി യുവാവിന്റെ ഹെല്‍മറ്റ് ഊരിയും തല വശങ്ങളിലേയ്ക്ക് തിരിച്ച് പിടിച്ചുമൊക്കെ പെണ്‍കുട്ടി സെല്‍ഫിയെടുത്തിരുന്നു. സംഭവമായി ബന്ധപ്പെട്ട് അപകടകരമായ രീതിയില്‍ വാഹനം ഓടിച്ചെന്ന കേസ് രജിസ്റ്റര്‍ ചെയ്ത് യുവാവിന്റെ ലൈസന്‍സ് റദ്ദ് ചെയ്യാന്‍ ആര്‍ടിഒയ്ക്ക് ഫയല്‍ കൈമാറി. ഇരുവരുടെയു മാതാപിതാക്കളോട് ഹാജരാകാനും ആവശ്യപ്പെട്ടിട്ടുണ്ട്.