ദിലീപിനു ആശ്വാസം, പക്ഷേ നാദിർഷായ്ക്ക് പണി കിട്ടുമോ?

പൊലീസിന്റെ അടുത്ത ലക്ഷ്യം നാദിർഷാ?

നടി ആക്രമിക്കപ്പെട്ട കേസുമായി ബന്ധപ്പെട്ട് സംവിധായകനും ദിലീപിന്റെ സുഹൃത്തുമായ നാദിർഷായുടെ മുൻകൂർ ജാമ്യാപേക്ഷ ഹൈക്കോടതി ഇന്നു പരിഗണിക്കും. നിരപരാധിയായ തന്നെ കേസിൽ കുടുക്കാനുള്ള ശ്രമമാണ് പൊലീസ് നടത്തുന്നതെന്ന് നാദിർഷാ ജാമ്യാപേക്ഷയിൽ വ്യക്തമാക്കുന്നു. 

കേസിൽ രണ്ടു തവണ നാദിർഷായെ അന്വേഷണ സംഘം ചോദ്യം ചെയ്തിരുന്നു. നാദിർഷായ്ക്ക് കേസിൽ പങ്കുണ്ടോയെന്ന കാര്യത്തിൽ വ്യക്തത വരുത്താനാണ് ചോദ്യം ചെയ്യാൻ വിളിപ്പിച്ചതെന്ന് പൊലീസ് അറിയിച്ചു. എന്നാൽ, ദിലീപിനു ജാമ്യം ലഭിച്ച സാഹചര്യത്തിൽ നാദിർഷായെ കുടുക്കാനുള്ള ശ്രമം പൊലീസിനുണ്ടോയെന്ന് വ്യക്തമല്ല.

ഹൈക്കോടതി മുൻകൂർ ജാമ്യം അനുവദിക്കുകയാണെങ്കിൽ നാദിർഷായ്ക്കും ആശ്വസിക്കാം. അല്ലാത്ത പക്ഷം, ദിലീപിനു മാത്രമേ ആശ്വസിക്കാൻ കഴിയുകയുള്ളു. മുൻകൂർ ജാമ്യം നൽകിയില്ലെങ്കിൽ നാദിർഷായെ പൊലീസ് ഇനിയും ചോദ്യം ചെയ്തേക്കും. വേണ്ടിവന്നാൽ അറസ്റ്റും ഉണ്ടായേക്കും.