ഒന്നുമറിയാത്ത പാവം അച്ഛമ്മയോട് കൊച്ചുമക്കള്‍ ചെയ്ത കാര്യമറിഞ്ഞാല്‍ ആരുമൊന്ന് ഞെട്ടും !; സംഭവം കോട്ടയത്ത്

ഒന്നുമറിയാത്ത അച്ഛമ്മയോട് കൊച്ചുമക്കളായ യുവതികൾ ചെയ്തത്!

എടിഎം കാർഡ് ഉപയോഗിക്കാന്‍ അറിയാത്ത അച്ഛമ്മയുടെ പണം കൊച്ചുമക്കൾ അപഹരിച്ചു. കടുത്തുരുത്തി കാട്ടാമ്പാക്ക് പ്രസാദ മന്ദിരത്തിൽ സരോജിനി കുഞ്ഞുക്കുട്ടി(88)യുടെ പണമാണ് ഇവരുടെ കൊച്ചുമക്കളായ ദിവ്യമോൾ(36), ബിന്ദുമോൾ(44) എന്നിവർ ചേര്‍ന്ന് തട്ടിയെടുത്തത്.  

ഒറ്റയ്ക്ക് താമസിക്കുന്ന സരോജിനിയമ്മ കഴിഞ്ഞ ദിവസം മരുന്നു വാങ്ങാൻ പണമെടുക്കാനായി ബാങ്കിലെത്തിയ സമയത്താണ് ബാങ്കിൽ നിക്ഷേപിച്ച 1,60,000 രൂപ നഷ്ടപ്പെട്ട കാര്യം അറിഞ്ഞത്. തുടര്‍ന്ന് പണം നഷ്ടപ്പെട്ടെന്ന് കാണിച്ച് കടുത്തുരുത്തി പൊലീസ് സ്റ്റേഷനിൽ അവര്‍ പരാതി നൽകുകയായിരുന്നു. 

സരോജിനിയമ്മയുടെ പരാതിയുടെ അടിസ്ഥാനത്തില്‍ അന്വേഷണം ആരംഭിച്ച പൊലീസ് സംഘം പണം തട്ടിയെടുത്തത് അവരുടെ കൊച്ചുമക്കള്‍ തന്നെയാണെന്ന് കണ്ടെത്തുകയും തുടർന്ന് ഇരുവരെയും അറസ്റ്റ് ചെയ്യുകയുമായിരുന്നു. ഇരുവരെയും വൈക്കം കോടതിയിൽ ഹാജരാക്കി.