6 ജിബി റാം, 128 ജിബി സ്റ്റോറേജ്, 18W ഫാസ്റ്റ് ചാർജിങ്: വിവോ Y20G വിപണിയിൽ, വില 14,990

മിഡ് റെയ്ഞ്ചിൽ മറ്റൊരു സ്മാർട്ട്ഫോൺ കൂടി വിപണിയിൽ അവതരിപ്പിച്ച് ചൈനീസ് സ്മാർട്ട്ഫോൺ നിർമ്മാതാക്കളായ വിവോ. Y20G എന്ന മോഡലിനെയാണ് വിവോ പുതുതായി ഇന്ത്യൻ വിപണിയിൽ എത്തിച്ചിരിയ്ക്കുന്നത്. 6 ജിബി റാം 128 ജിബി സ്റ്റോറേജ് എന്ന ഒറ്റ പതിപ്പിൽ എത്തിയിരിയ്ക്കുന്ന സ്മാർട്ട്ഫോണിന് 14,990 രൂപയാണ് വില. ആമസോണ്‍, ഫ്ലിപ്കാര്‍ട്ട്, വിവോ ഇന്ത്യ ഇ-സ്റ്റോര്‍, പേടിഎം, ടാറ്റ ക്ലിക്ക് എന്നീ ഓൻലൈൻ പ്ലാറ്റ്ഫോമുകൾ വഴിയും. ഓഫ്‌ലൈൻ ഷോറുകൾ വഴിയും സ്മാർട്ട്ഫോൺ വാങ്ങാനാകും.

6.51 ഇഞ്ച് എച്ച്‌ഡി പ്ലസ് ഐപിഎസ് ഡിസ്‌പ്ലേയാണ് ആണ് സ്മാർട്ട്ഫോണിൽ നൽകിയിരിയ്ക്കുന്നത്. 13 മെഗാപിക്സല്‍ പ്രൈമറി സെന്‍സര്‍, 2 മെഗാപിക്സല്‍ പോര്‍ട്രെയിറ്റ് സെന്‍സര്‍, 2 മെഗാപിക്സല്‍ മാക്രോ ഷൂട്ടര്‍ എന്നിവ അടങ്ങുന്ന ട്രിപ്പിൾ റിയർ ക്യാമറകളാണ് സ്മാർട്ട്ഫോണിൽ ഉള്ളത്. 8 മെഗാപിക്സലാണ് സെൽഫി ക്യാമറ. മീഡിയടെക് ഹെലിയോ ജി 80 SOC പ്രോസസര്‍ ആണ് ഫോണിന് കരുത്തുപകരുന്നത്. ആന്‍ഡ്രോയിഡ് 11 അടിസ്ഥാനമായ ഫണ്‍‌ടച്ച്‌ ഒ‌എസ് 11ല്‍ ആണ് സ്മാർട്ട്ഫോൺ പ്രവർത്തിയ്ക്കുക. 18W ഫാസ്റ്റ് ചാര്‍ജിങ് സംവിധാനമുള്ള 5,000 എംഎഎച്ച്‌ ബാറ്ററിയാണ് ഫോണിൽ അൽകിയിരിയ്ക്കുന്നത്.