നാല് ലക്ഷം ഉപഭോക്താക്കളുള്ള കുട്ടികളുടെ പോണോഗ്രഫി പ്രചരിപ്പിക്കുന്ന വെബ്‌സൈറ്റിന് പൂട്ടിട്ട് പോലീസ്,വെബ്‌സൈറ്റ് അഡ്‌മിനിസ്ട്രേറ്റർമാർ ഉൾപ്പടെ അറസ്റ്റിൽ

ലോകത്തിലെ ഏറ്റവും വലിയ കുട്ടികളുടെ അശ്ലീല ദൃശ്യങ്ങൾ പ്രചരിപ്പിക്കുന്ന വെബ്‌സൈറ്റുകളിൽ ഒന്നിന് പൂട്ടിട്ട് ജർമൻ പോലീസ്. ജർമൻ പോലീസിന്റെ നിരന്തരമായ പോരട്ടത്തിലൂടെയാണ് വെബ്‌സൈറ്റ് ഷട്ട്ഡൗണ്‍ ചെയ്യുകയും ഡാര്‍ക്ക് വെബ് ഫോറത്തെക്കുറിച്ചുള്ള അന്താരാഷ്ട്ര അന്വേഷണത്തിന് ശേഷം അഡ്മിനിസ്‌ട്രേറ്റര്‍മാരെ അറസ്റ്റ് ചെയ്യുകയും ചെയ്‌തിരിക്കുന്നത്.

ബോയ്‌സ്റ്റൗൺ എന്ന വെബ്‌സൈറ്റിനാണ് ജർമൻ പോലീസ് പൂട്ടിട്ടത്. ഇതിന്റെ അഡ്മിനിസ്‌ട്രേറ്റര്‍മാരാണെന്ന് സംശയിക്കുന്ന മൂന്ന് പേരെയും, ഒരു ഉപയോക്താവിനെയും ഇതുവരെ പോലീസ് അറസ്റ്റ് ചെയ്‌തിട്ടുണ്ട്.