സിനിമകളും ടെലിവിഷന്‍ ഷോകളും ഡൗണ്‍ലോഡ് ചെയ്യാറുണ്ടോ? എങ്കില്‍ സൂക്ഷിച്ചോളൂ...

സിനിമകളോ, ടെലിവിഷന്‍ ഷോകളോ ഡൗണ്‍ലോഡ് ചെയ്താല്‍ 15 ശതമാനം നികുതി അടക്കണം

വിദേശ വെബ്‍സൈറ്റുകളില്‍ നിന്നും ടെലിവിഷന്‍ ഷോകളോ സിനിമകളോ ഡൗണ്‍ലോഡ് ചെയ്യുന്നുണ്ടെങ്കില്‍ സൂക്ഷിച്ചോളൂ... ഇനി മുതല്‍ നിങ്ങള്‍ 15 ശതമാനം നികുതി അടക്കേണ്ടി വരും. ഇ-ബുക്ക്, പാട്ടുകള്‍, ക്ലൗഡ് സ്‍പേസ് എന്നിവയ്ക്കും നികുതി ബാധകമാകുമെന്നാണ് ഇക്കണോമിക് ടൈംസ് റിപ്പോര്‍ട്ട് ചെയ്യുന്നത്.  

ഡിസംബര്‍ ഒന്നുമുതല്‍ ഡൗണ്‍ലോഡുകള്‍ക്ക് നികുതി ചുമത്താന്‍ സര്‍ക്കാര്‍ തീരുമാനിച്ചു. സെന്‍ട്രല്ർ ബോര്‍ഡ് ഓഫ് എക്സൈസ് ആന്‍റ് കസ്റ്റംസാണ് ഇക്കാര്യം സംബന്ധിച്ച വിജ്ഞാപനം പുറത്തിറക്കിയത്. 

നിലവില്‍ ഇന്ത്യയിലുള്ള ഒട്ടുമിക്ക വെബ്സൈറ്റുകളിളും ഈ സേവന നികുതി നടപ്പാക്കുന്നുണ്ട്. അതോടൊപ്പം വിദേശ സൈറ്റുകള്‍ക്കും നികുതി ബാധകമാകുന്ന തരത്തില്‍ ഇത് മാറ്റുക എന്നതാണ് സിബിഇസി ഇതിലൂടെ ലക്ഷ്യം വെക്കുന്നത്.