ഇന്ത്യയുടെ സഹിഷ്ണുതയ്ക്കും സാഹോദര്യത്തിനും എന്തു സംഭവിച്ചുവെന്ന് ലോകം ചോദിക്കുന്നു: രാഹുല്‍ ഗാന്ധി

ഇന്ത്യയുടെ സഹിഷ്ണുതയ്ക്കും സാഹോദര്യത്തിനും എന്തുസംഭവിച്ചുവെന്ന് പുറംലോകം ഇന്ത്യയോട് ചോദിക്കുന്നെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി.

രാജ്യത്തെ വിഘടിപ്പിക്കുന്ന ശക്തികള്‍ പ്രവര്‍ത്തിക്കുന്നുണ്ട്. മറ്റു രാജ്യങ്ങളില്‍ നിന്നും വ്യത്യസ്ഥമാണ് ഇന്ത്യയിലേത്. പല ഭാഷകളില്‍ സംസാരിക്കുന്നവരും വിവിധ മതങ്ങളില്‍ വിശ്വസിക്കുന്നവരുമുള്ള നാടാണ് ഇന്ത്യ. ഈ സമൂഹത്തെ ഒരുമിച്ചു കൊണ്ടു പോയത് കോണ്‍ഗ്രസിന്റെ ആശയങ്ങളാണെന്നും രാഹുല്‍ പറഞ്ഞു.

രണ്ടാഴ്ച നീണ്ട യുഎസ് പര്യടനത്തിനിടെ ന്യൂയോര്‍ക്കിലെ ടൈംസ് സ്ക്വയറില്‍ പ്രവാസി കോണ്‍ഗ്രസ് പ്രവര്‍ത്തകരെ അഭിസംബോധന ചെയ്യുകയായിരുന്നു രാഹുല്‍. നിരവധി പേരാണ് അദ്ദേഹത്തിന്റെ പ്രസംഗം കേള്‍ക്കാന്‍ എത്തിയത്.