ദാവൂദ് ഇബ്രാഹിം എവിടെ ?; വെളിപ്പെടുത്തലുമായി മുഷാറഫ് രംഗത്ത്

മുംബൈ സ്‌ഫോടനക്കേസ് സൂത്രധാരനും അധോലോക നായകനുമായ ദാവുദ് ഇബ്രാഹിം പാകിസ്ഥാനില്‍ തന്നെയുണ്ടെന്ന സൂചന നല്‍കി മുന്‍ പാക് പ്രസിഡന്റ് പര്‍വോസ് മുഷാറഫ് രംഗത്ത്.

“ ദാവൂദ് എവിടെയാണെന്ന് എനിക്കറിയില്ല. അയാള്‍ ഇവിടെ എവിടെങ്കിലും ഉണ്ടാകും. ഈ വിഷയത്തില്‍ ഇന്ത്യ വര്‍ഷങ്ങളായി പാകിസ്ഥാനെ കുറ്റപ്പെടുത്തുകയാണ്. പാക് സര്‍ക്കാര്‍ എന്തിനാണ് ഇപ്പോള്‍ നല്ലവരാകുന്നതും ഇന്ത്യയെ സഹായിക്കുന്നതും ? ” - എന്നും മുഷാറഫ് പറഞ്ഞു.

ഒരു സ്വകാര്യ ചാനലിന് നല്‍കിയ അഭിമുഖത്തിലാണ് മുഷാറഫ് ഇക്കാര്യം വ്യക്തമാക്കിയത്. 1993ലെ മുംബൈ സ്‌ഫോടനക്കേസിന്റെ മുഖ്യസൂത്രധാരനും ധാരാളം കേസുകളില്‍ പ്രതിയുമായ ദാവൂദ് പാകിസ്ഥാനിഉ ഉണ്ടെന്നാണ് ഇന്ത്യയുടെ ആരോപണം.