രക്തസമ്മർദം കുറയ്‌ക്കാന്‍ മുട്ടയുടെ വെള്ള ഉത്തമം

മുട്ട ദിവസവും കഴിക്കുന്നത് ആരോഗ്യത്തിന് നല്ലതാണോ എന്ന ആശങ്കയില്ലാത്തവരായി ആരും തന്നെയുണ്ടാകില്ല. മുട്ടയുടെ മഞ്ഞക്കുരു കൊളസ്ട്രോൾ കൂട്ടുമെന്ന ധാരണയാണ് എല്ലാവരെയും ഭയപ്പെടുത്തുന്നത്. ഇത് പേടിച്ച് മുട്ടയുടെ വെള്ള പോലും ഉപേക്ഷിക്കുന്നവര്‍ ധാരാളമാണ്.

മുട്ടയുടെ വെള്ളയുടെ ഗുണങ്ങള്‍ തിരിച്ചറിയാതെയാണ് പലരും ഈ തീരുമാനത്തിലേക്ക് എത്തുന്നത്. കൊളസ്ട്രോൾ കൂടുതലുഉള്ളവർക്ക് ധൈര്യമായി കഴിക്കാവുന്ന ഭക്ഷണങ്ങളില്‍ ഒന്നാണ് മുട്ടയുടെ വെള്ള.

കൊഴുപ്പു കുറഞ്ഞ മാംസ്യം (Protein) അടങ്ങിയ മുട്ടയുടെ വെള്ള പേശികളുടെ കരുത്തിനും ആരോഗ്യം വര്‍ദ്ധിക്കാനും ഉത്തമമാണ്. മുട്ടയുടെ വെള്ളയിൽ ജീവകങ്ങളായ എ , ബി–12, ഡി ഇവ അടങ്ങിയിട്ടുണ്ട്. ജീവകം ബി 2 എന്നറിയപ്പെടുന്ന റൈബോഫ്ലേവിൻ മുട്ട വെള്ളയിൽ ഉണ്ട്.

ഹൃദയത്തിന്റെയും എല്ലുകളുടെയും ആരോഗ്യത്തിനു സഹായിക്കുന്ന ധാതുവാണ് പൊട്ടാസ്യം. വിശപ്പിനെ നിയന്ത്രിക്കാനും മുട്ടയുടെ വെള്ളയിലുള്ള കൊഴുപ്പു കുറഞ്ഞ മാംസ്യം സഹായിക്കുന്നു. വെള്ളയില്‍ അടങ്ങിയിരിക്കുന്ന പൊട്ടാസ്യം രക്തസമ്മർദം കുറയ്‌ക്കും.