Publish Date: Thu, 05 Oct 2023 (14:01 IST)
Updated Date: Thu, 05 Oct 2023 (14:03 IST)
കൊതുകുജന്യ രോഗങ്ങള് - ഡെങ്കിപ്പനി, മലമ്പനി, ചിക്കുന് ഗുനിയ, വെസ്റ്റ് നൈല്, ജപ്പാന് ജ്വരം മുതലായ കൊതുജന്യ രോഗങ്ങളില് നിന്നും രക്ഷനേടുവാന് വീടും പരിസരവും, ക്യാമ്പുകളും വെള്ളം കെട്ടി നിന്ന് കൊതുക് വളരാതിരിക്കാന് പ്രത്യേകം ശ്രദ്ധിക്കണം. കൊതുകിന്റെ ഉറവിടങ്ങള് ആഴ്ചയിലൊരിക്കല് നശിപ്പിക്കണം.
ജലജന്യ രോഗങ്ങള് - വയറിളക്കം, കോളറ, ടൈഫോയ്ഡ്, മഞ്ഞപ്പിത്തം മുതലായ ജലജന്യ രോഗങ്ങള് വരാതിരിക്കാന് ശ്രദ്ധിക്കണം. വ്യക്തി ശുചിത്വം പാലിക്കുക. തിളപ്പിച്ചാറിയ വെള്ളം മാത്രം കുടിക്കുക. വയറിളക്കം വന്നാല് ഒ.ആര്.എസ്. ലായനി ആവശ്യാനുസരണം നല്കുക. കൂടെ ഉപ്പിട്ട കഞ്ഞി വെള്ളം, കരിക്കിന് വെള്ളം എന്നിവയും കൂടുതലായി നല്കുക. നിര്ജ്ജലീകരണത്തിന്റെ ലക്ഷണങ്ങള് കണ്ടാല് ഉടനെ ആശുപത്രിയില് എത്തിക്കുക.
വായുജന്യ രോഗങ്ങള് - എച്ച്1 എന് 1, വൈറല് പനി, ചിക്കന്പോക്സ് തുടങ്ങിയ വായുജന്യ രോഗങ്ങള് ഉണ്ടാകാനും സാധ്യതയുണ്ട്. അതിനാല് മാസ്ക് ഉപയോഗിക്കുന്നത് അഭികാമ്യം.
ചര്മ്മ രോഗങ്ങള് - കഴിയുന്നതും ചര്മ്മം ഈര്പ്പരഹിതമായി സൂക്ഷിക്കുവാന് ശ്രദ്ധിക്കേണ്ടതാണ്. മലിനജലത്തില് ഇറങ്ങുന്നവര് കൈയ്യും കാലും സോപ്പും വെള്ളവും ഉപയോഗിച്ച് കഴുകി വൃത്തിയാക്കേണ്ടതാണ്.
