നായ ഫുട്‌ബോള്‍ ഗ്രൌണ്ടില്‍; കളിക്കാരും റഫറിയും അപ്രതീക്ഷിതമായെത്തിയ ‘അതിഥി’ക്ക് പിന്നാലെ പാഞ്ഞു - ചിരി പടര്‍ത്തുന്ന വീഡിയോ കാണാം

നായ ഫുട്‌ബോള്‍ ഗ്രൌണ്ടിലെത്തിയാല്‍ എന്താണ് സംഭവിക്കുക ? - ചിരി പടര്‍ത്തുന്ന വീഡിയോ കാണാം

ഫുട്ബോള്‍ മത്സരത്തിനിടെ ഗ്രൌണ്ടിലേക്ക് നായ ഓടിക്കയറുന്നത് പലപ്പോഴും കണ്ടിട്ടുണ്ട്. കളിയുടെ സമ്മര്‍ദ്ദം കുറച്ചു നേരത്തേക്കെങ്കിലും ഒഴിവാക്കി നിര്‍ത്താന്‍ ഈ സംഭവം താരങ്ങളെ സഹായിക്കും.

പ്രദേശിക ടീമുകളായ ഹെയ്‌സോവണ്‍ ടൗണും സ്‌കെല്‍മെര്‍സ്‌ദെല്‍ യുണൈറ്റും തമ്മിലുള്ള മത്സരത്തിനിടെയാണ് ഒന്നര വയസുള്ള നായ്ക്കുട്ടി ഗ്രൌണ്ടിലേക്ക് ഓടിക്കയറിയതാണ് കളിക്കാരെയും കാണികളെയും രസിപ്പിച്ചത്.

നായ ഗ്രൌണ്ടിലൂടെ ഓടി നടന്നതോടെ കളിക്കാര്‍ ആവേശത്തിലായി. പലരും നായയെ പിടിക്കാനും തലോടാനും ശ്രമിക്കുന്ന തിരക്കിലായിരുന്നു. റഫറിയും നായയുടെ പിന്നാലെ പോയതോടെ കമന്റേറ്റര്‍മാര്‍ ചിരി അടക്കാന്‍ പാടുപെട്ടു. ഏഴ്  മിനിറ്റുകളോളം നേരം കളി മുടക്കിയ ശേഷമാണ് നായ ഗ്രൌണ്ടില്‍ നിന്ന് പുറത്തു പോയത്.

ഡെയ്‌ലി മെയില്‍ ആണ് ഇക്കാര്യം റിപ്പോര്‍ട്ട് ചെയ്‌തത്.