ഒരു കളിക്ക് അപ്പുറം ബ്രസീല്‍-അര്‍ജന്റീന തീപ്പൊരി പോരാട്ടം; ആകാംക്ഷയോടെ കാല്‍പ്പന്ത് ലോകം

ക്രൊയേഷ്യയാണ് ക്വാര്‍ട്ടറില്‍ ബ്രസീലിന്റെ എതിരാളികള്‍

ഖത്തര്‍ ലോകകപ്പില്‍ ആരാധകര്‍ ഏറ്റവും ആവേശത്തോടെ കാത്തിരിക്കുന്ന ആ മത്സരം വരുമോ? ഒരു കളിക്ക് അപ്പുറം കാല്‍പ്പന്ത് ലോകം ഏറെ ആകാംക്ഷയോടെ കാത്തിരിക്കുന്ന ബ്രസീല്‍-അര്‍ജന്റീന മത്സരം യാഥാര്‍ഥ്യമാകും. ക്വാര്‍ട്ടറില്‍ ജയിച്ചാല്‍ സെമി ഫൈനലിലാണ് ഇരു ടീമുകളും ഏറ്റുമുട്ടേണ്ടത്. 

ക്രൊയേഷ്യയാണ് ക്വാര്‍ട്ടറില്‍ ബ്രസീലിന്റെ എതിരാളികള്‍. ഡിസംബര്‍ ഒന്‍പതിന് രാത്രി 8.30 നാണ് ബ്രസീല്‍-ക്രൊയേഷ്യ മത്സരം. 

ഡിസംബര്‍ 10 പുലര്‍ച്ചെ 12.30 നാണ് അര്‍ജന്റീനയുടെ ക്വാര്‍ട്ടര്‍ മത്സരം. നെതര്‍ലന്‍ഡ്‌സാണ് മെസിപ്പടയുടെ എതിരാളികള്‍. ക്വാര്‍ട്ടറില്‍ ജയിച്ചാല്‍ ഇരു ടീമുകളും സെമി ഫൈനലില്‍ ഏറ്റുമുട്ടും.