സൂര്യ ടിവിയില്‍ ദിലീപ് ഫെസ്റ്റിവല്‍ ‍!

വൗവ്വൂ.. ഇറ്റ്‌സ് ഓസം! സൂര്യ ടിവിയില്‍ ദിലീപ് മൂവി ഫെസ്റ്റിവല്‍!

ദിലീപ് വിഷയം ആവശ്യത്തിലും അധികം കൈകാര്യം ചെയ്തതാണ് ചാനലുകാര്‍. ഇതു സംബന്ധിച്ച് ആരോപണങ്ങളും ഉയര്‍ന്നിരുന്നു. ഇക്കാരണത്താലാണ് താരങ്ങള്‍ ഈ ഓണത്തിന് ചാനലുകാരുമായി സഹകരിക്കാത്തതെന്നും റിപ്പോര്‍ട്ടുകള്‍ ഉണ്ട്. എന്നാല്‍, ഓണവുമായി ബന്ധപ്പെട്ട് സൂര്യ ടി വിയിലെ സിനിമകളുടെ ലിസ്റ്റ് എടുത്താല്‍ അതില്‍ മുഴുവന്‍ ദിലീപ് സിനിമകളാണ്.

ദിലീപ് സിനിമയുടെ ഫെസ്റ്റിവലാണ് സൂര്യ ടിവിയില്‍ നടക്കുന്നത്. ദിലീപിന്റെ പേരു പറഞ്ഞാല്‍ തന്നെ റേറ്റിങ് കൂടുന്നുവെന്നതാണ് ഇതിനു പിന്നിലെ പ്രധാന കാരണം. ജനപ്രിയ നായകന്റെ സൂപ്പര്‍ ഡ്യൂപ്പര്‍ ഹിറ്റ് ചിത്രങ്ങളാണ് ദിലീപ് സെപ്ഷ്യല്‍ മാറ്റിനി ബ്ലോക്ബസ്റ്ററില്‍ ഉള്‍പ്പെടുത്തിയിരിയ്ക്കുന്നത്. തിങ്കള്‍ മുതല്‍ വെള്ളിവരെ 3.30 നാണ് സിനിമ ആരംഭിയ്ക്കുന്നത്.

ദിലീപ് അറസ്റ്റിലായതിന് ശേഷം, ഒരു ദിവസം പോലും ദിലീപിന്റെ പേര് പറയാത്ത ചാനലുകളില്ല. ന്യൂസ് ചാനലുകള്‍ക്കും കോമഡി പരിപാടികള്‍ക്കും ദിലീപിനെ മതി. ഏത് ചാനല്‍ മാറ്റിയാലും അതിലെല്ലാം നിറഞ്ഞ് നില്‍ക്കുന്നത് ദിലീപ് ആണ്.