ആദ്യ തമിഴ് ചിത്രം,ഓരോ നിമിഷവും ആസ്വദിച്ചു,പൊന്നിയിന്‍ സെല്‍വന്‍ വിശേഷങ്ങളുമായി നടി ശോഭിത

പൊന്നിയിന്‍ സെല്‍വന്‍ റിലീസിനായി കാത്തിരിക്കുകയാണ് നടി ശോഭിത ധുലിപാല. ആദ്യ ഭാഗത്തില്‍ നിന്ന് വ്യത്യസ്തമായ രീതിയിലാണ് രണ്ടാം ഭാഗത്തില്‍ താന്‍ എത്തുന്നതെന്ന് ശോഭിത പറയുന്നു.

'ഇത് എന്റെ ആദ്യ തമിഴ് ചിത്രമാണ്, വളരെ ആവേശകരമായ അനുഭവം ആയിരുന്നു. മണിരത്നം സാറിനും മികച്ച അണിയറപ്രവര്‍ത്തകര്‍ക്കും ഒപ്പം പ്രവര്‍ത്തിക്കാന്‍ അവസരം ലഭിച്ചു. അതിന്റെ ഓരോ നിമിഷവും ഞാന്‍ ആസ്വദിച്ചു. ആദ്യ ഭാഗത്തേതില്‍ നിന്ന് വളരെ വ്യത്യസ്തമായാണ് ഞാന്‍ ജോലികള്‍ ചെയ്തത്.അഭിനേതാക്കളെന്ന നിലയില്‍ ഞങ്ങള്‍ എപ്പോഴും വ്യത്യസ്തമായ എന്തെങ്കിലും ചെയ്യാന്‍ ആഗ്രഹിക്കുന്നു, ഇതാണ് ഈ സിനിമയില്‍ എനിക്ക് ചെയ്യാന്‍ ഉണ്ടായിരുന്നത്.

ചിത്രത്തില്‍ കൊടുമ്പല്ലൂര്‍ രാജകുമാരിയായ വാണതി എന്ന കഥാപാത്രത്തെയാണ് ശോഭിത അവതരിപ്പിക്കുന്നത്.