വീണ്ടും ശോഭനയും മമ്മൂട്ടിയും ഒന്നിക്കുമോ എന്ന ചോദ്യമാണ് സോഷ്യല്‍ മീഡിയയില്‍ ഉയരുന്നത്.'സിബിഐ 5: ദി ബ്രെയിന്‍' ചിത്രീകരണത്തിനിടെ നടിയെത്തിയത് അഭിനയിക്കാനായിരുന്നോ എന്നാണ് ചര്‍ച്ച. ശോഭനയെ പുഷ്പങ്ങള്‍ നല്‍കിയാണ് അണിയറ പ്രവര്‍ത്തകര്‍ സെറ്റിലേക്ക് സ്വീകരിച്ചത്.
നടി ചിത്രത്തില്‍ അതിഥി വേഷത്തില്‍ എത്തുമോ എന്നത് കണ്ടുതന്നെ അറിയണം. മമ്മൂട്ടിയുമായി വിശേഷങ്ങള്‍ പങ്കുവയ്ക്കുന്നതും ഉച്ചഭക്ഷണം കഴിക്കുന്നതുമായ വീഡിയോ കഴിഞ്ഞ ദിവസം പുറത്ത് വന്നിരുന്നു.
'മഴയെത്തും മുമ്പേ ', 'അനന്തരം', 'പാപ്പയുടെ സ്വന്തം അപ്പൂസ്' തുടങ്ങി നിരവധി സിനിമകളില്‍ മമ്മൂട്ടിയും ശോഭനയും ഒരുമിച്ച് അഭിനയിച്ചിട്ടുണ്ട്. അടുത്തിടെ നടന്ന അവരുടെ കൂടിക്കാഴ്ച ഒരു സിനിമയ്ക്കായി വീണ്ടും ഒന്നിക്കുമോ എന്നതാണ് കണ്ടറിയേണ്ടത് .
