പുഷ്പയ്ക്ക് അല്ലുഅര്‍ജുന്‍ വാങ്ങുന്നത് റെക്കോര്‍ഡ് പ്രതിഫലം, പുതിയ വിവരങ്ങള്‍ ഇതാ !

റിലീസിന് മുമ്പേ തന്നെ വാര്‍ത്തകളില്‍ ഇടംപിടിച്ച അല്ലു അര്‍ജുന്‍ ചിത്രമാണ് പുഷ്പ. ഈ സിനിമ രണ്ടു ഭാഗങ്ങളിലായാണ് ഒരുങ്ങുന്നതെന്ന റിപ്പോര്‍ട്ടുകള്‍ നേരത്തെ പുറത്തുവന്നിരുന്നു. ചിത്രത്തിനായി അല്ലു അര്‍ജുന്‍ വാങ്ങുന്ന പ്രതിഫലത്തെക്കുറിച്ചുള്ള ചര്‍ച്ചകളിലാണ് തെലുങ്ക് സിനിമാലോകം. 60 മുതല്‍ 70 കോടി രൂപ വരെയാണ് രണ്ടു ഭാഗങ്ങള്‍ക്ക് കൂടിയായി അല്ലു അര്‍ജുന്‍ വാങ്ങുന്നത് എന്നാണ് വിവരം. 

'അല വൈകുണ്ഠപുരമുലൂ' എന്ന ചിത്രത്തിന് അല്ലു അര്‍ജുന്‍ 35 കോടി രൂപയാണ് പ്രതിഫലം വാങ്ങിയതെന്നും പറയപ്പെടുന്നു. ഇതേ പ്രതിഫലം തന്നെയായിരുന്നു പുഷ്പയ്ക്ക് വേണ്ടി അല്ലുഅര്‍ജുന്‍ ആദ്യം ചോദിച്ചത്. എന്നാല്‍ പുഷ്പ രണ്ടു ഭാഗങ്ങളിലായി എടുക്കുന്നതിനാല്‍ നടന്‍ പ്രതിഫലം ഇരട്ടിയാക്കി എന്നാണ് റിപ്പോര്‍ട്ടുകള്‍.

രണ്ടര മണിക്കൂറില്‍ പറഞ്ഞു തീര്‍ക്കാന്‍ കഴിയാത്തതിനാല്‍ രണ്ടു ഭാഗങ്ങള്‍ നിര്‍മ്മിക്കുവാന്‍ സംവിധായകന്‍ തീരുമാനിക്കുകയായിരുന്നു. ആദ്യഭാഗം ഓഗസ്റ്റ് 13 നും രണ്ടാംഭാഗം 2022 ലും പുറത്തുവരും. ഫഹദ് ഫാസിലാണ് വില്ലന്‍ വേഷത്തിലെത്തുന്നത്.