റിയാലിറ്റിഷോയിലെ മത്സരാര്‍ത്ഥിയായ കുട്ടിയോട് തന്നെ അങ്കിള്‍ എന്ന് വിളിക്കരുതെന്ന് രണ്‍ബീര്‍ കപൂര്‍

റിയാലിറ്റിഷോയിലെ മത്സരാര്‍ത്ഥിയായ കുട്ടിയോട് തന്നെ അങ്കിള്‍ എന്ന് വിളിക്കരുതെന്നാവശ്യപ്പെട്ട് രണ്‍ബീര്‍ കപൂര്‍. രണ്‍ബീര്‍ കപൂറിന്റെ റിലീസിനൊരുങ്ങുന്ന തൂ ജൂതി മേന്‍ മക്കര്‍ എന്ന സിനിമയുടെ പ്രമോഷന്റെ ഭാഗമായി താരം ഇന്ത്യന്‍ ഐഡലില്‍ പങ്കെടുക്കാന്‍ എത്തുകയായിരുന്നു. അതിനിടെയാണ് മത്സരാര്‍ത്ഥിയായ കുട്ടിയോട് താരം അഭ്യര്‍ത്ഥന നടത്തിയത്.

മത്സരാര്‍ത്ഥിയായ കുട്ടി സംസാരിക്കുന്നതിനിടെ താരത്തെ രണ്‍ബീര്‍ അങ്കിള്‍ എന്നു വിളിക്കുകയായിരുന്നു. ദയവായി അങ്കില്‍ എന്നു വിളിക്കരുതെന്നും ആര്‍കെ എന്നു വിളിക്കൂ എന്നുമായിരുന്നു താരം പറഞ്ഞത്.