ഈയാഴ്ച തന്നെ ഒടിടിയില്‍ കാണാം,മലൈക്കോട്ടൈ വാലിബന്‍ വിജയമായോ?നേടിയ കളക്ഷന്‍

മോഹന്‍ലാലിനെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്ത ബിഗ് ബജറ്റ് ചിത്രമാണ് മലൈക്കോട്ടൈ വാലിബന്‍. എന്നാല്‍ ആദ്യദിനം മുതല്‍ സിനിമയ്ക്ക് ലഭിച്ച സമ്മിശ്ര പ്രതികരണങ്ങള്‍ ചിത്രത്തിന്റെ കളക്ഷനെ ബാധിച്ചു. ഇപ്പോഴിതാ തിയറ്ററുകളിലെ പ്രദര്‍ശനം അവസാനിപ്പിച്ച് വാലിബന്‍ ഒടിടി റിലീസിന് ഒരുങ്ങുകയാണ്.

ഡിസ്‌നി പ്ലസ് ഹോട്സ്റ്റാറാണ് സ്ട്രീമിംഗ് അവകാശം സ്വന്തമാക്കിയിരിക്കുന്നത്. ചിത്രം ഫെബ്രുവരി 23ന് അതായത് വരാനിരിക്കുന്ന വെള്ളിയാഴ്ച സ്ട്രീമിംഗ് ആരംഭിക്കും. ചിത്രം വെള്ളിയാഴ്ച സ്ട്രീമിംഗ് തുടങ്ങുമെന്ന പരസ്യം ടെലിവിഷനില്‍ വന്നു കഴിഞ്ഞു.വേള്‍ഡ് ടെലിവിഷന്‍ പ്രീമിയര്‍ അവകാശം ഏഷ്യാനെറ്റ് ആണ് സ്വന്തമാക്കിയത്.

ജനുവരി 25നാണ് മലൈക്കോട്ടൈ വാലിബന്‍ റിലീസ് ചെയ്തത്. ആഗോളതലത്തില്‍ പത്തു കോടി രൂപയാണ് സിനിമ നേടിയത് എന്നാണ് റിപ്പോര്‍ട്ടുകള്‍. നിലവില്‍ ലഭിക്കുന്ന വിവരം അനുസരിച്ച് 30 കോടിയില്‍ കൂടുതല്‍ ചിത്രം നേടിയിട്ടുണ്ട്.ചിത്രത്തിന്റെ മുതല്‍ മുടക്ക് 65 കോടിയെന്നാണ് സ്ഥിരീകരിക്കാത്ത റിപ്പോര്‍ട്ടുകള്‍.