ദിലീപും ചാക്കോച്ചനും പണ്ടേ ദോസ്തുക്കള്‍, മറ്റെല്ലാം അസൂയക്കാര്‍ പറഞ്ഞുപരത്തിയത്!

വര്‍ഷങ്ങള്‍ക്കുമുമ്പ് തുളസീദാസിന്‍റെ സംവിധാനത്തില്‍ ‘ദോസ്ത്’ എന്നൊരു പടമിറങ്ങി. ആ തുളസീദാസ് പിന്നീട് ദിലീപിന്‍റെ ശത്രുപക്ഷത്ത് നിലയുറപ്പിച്ചു. കുഞ്ചാക്കോ ബോബനും ദിലീപും തമ്മിലും അത്ര നല്ല രസത്തിലല്ല എന്നായിരുന്നു അടുത്തകാലം വരെ പ്രചരിച്ചത്.

എന്നാല്‍ കുഞ്ചാക്കോ ബോബന്‍റെ മകന്‍റെ മാമോദീസ ചടങ്ങിന് വന്ന ചുരുക്കം ചില സെലിബ്രിറ്റുകളില്‍ ദിലീപും ഭാര്യ കാവ്യയും ഉണ്ടായിരുന്നു. ഇതെങ്ങനെ സംഭവിച്ചു എന്ന് ആശ്ചര്യപ്പെടുന്നവരോട് ഒരുകാര്യമേ പറയാനുള്ളൂ, പ്രചരിക്കുന്നതെല്ലാം സത്യമാകണമെന്നില്ല.

മഞ്ജു വാര്യരുടെ തിരിച്ചുവരവ് ചിത്രമായ ‘ഹൌ ഓള്‍ഡ് ആര്‍ യു’വില്‍ നായകനായി അഭിനയിച്ചതോടെയാണ് ദിലീപും ചാക്കോച്ചനും തമ്മില്‍ ശത്രുക്കളായതെന്നായായിരുന്നു പ്രചരണം. എന്നാല്‍ അവര്‍ തമ്മില്‍ ഏറ്റവുമടുത്ത സൌഹൃദവും ആത്മബന്ധവുമാണെന്ന് തെളിയിക്കുന്നതായി ചാക്കോച്ചന്‍റെ കുഞ്ഞിന്‍റെ മാമോദീസ ചടങ്ങ്.

എന്തായാലും ഉടന്‍ തന്നെ ചാക്കോച്ചനും ദിലീപും ഒരുമിക്കുന്ന സിനിമയും സംഭവിക്കുമെന്ന് പ്രതീക്ഷിക്കാം.