'ഭ്രമയുഗം' കാഴ്ചക്കാരെ തൃപ്തിപ്പെടുത്തിയോ ? ബ്ലാക്ക് ആന്‍ഡ് വൈറ്റില്‍ സിനിമ വേണമായിരുന്നോ? പ്രേക്ഷക പ്രതികരണങ്ങള്‍

Bramayugam

സംവിധാനം രാഹുല്‍ സദാശിവന്‍ ഒരുക്കിയ മമ്മൂട്ടി ചിത്രം ഭ്രമയുഗം കാഴ്ചക്കാരെ തൃപ്തിപ്പെടുത്തിയോ ? വര്‍ഷങ്ങള്‍ക്കുശേഷം ഒരു സിനിമ ബ്ലാക്ക് ആന്‍ഡ് വൈറ്റില്‍ സിനിമ എത്തിയപ്പോള്‍ പ്രേക്ഷക പ്രതികരണങ്ങള്‍ എന്തായിരുന്നു? പുതിയകാലത്തും ഈ വ്യത്യസ്ത പരീക്ഷണം വേണമായിരുന്നു എന്ന് ചോദ്യങ്ങള്‍ക്കെല്ലാം ഉത്തരമാണ് സിനിമ കണ്ട ആളുകള്‍ നല്‍കുന്നത്. 

എന്തായാലും ആദ്യം പുറത്തുവരുന്ന റിവ്യൂ പോസിറ്റീവ് ആയാണ്. പ്രതീക്ഷകള്‍ വെറുതെ ആയില്ലെന്നാണ് ആരാധകര്‍ പറയുന്നത്.

ഭ്രമയുഗത്തില്‍ മമ്മൂട്ടി അവതരിപ്പിക്കുന്ന വേറിട്ട കഥാപാത്രത്തിന്റെ നിഗൂഢതകളാണ് മുഖ്യ ആകര്‍ഷണം എന്നാണ് ആരാധകര്‍ പറയുന്നത്. ഒരു ചിരി കൊണ്ടുപോലും കൊടുമണ്‍ പോറ്റി എന്നാല്‍ മമ്മൂട്ടി കഥാപാത്രത്തിന് പ്രേക്ഷകരെ പിടിച്ചിരുത്താന്‍ ആയി. മമ്മൂട്ടിയുടെ പ്രകടനം കൊണ്ട് തന്നെ ഭ്രമയുഗം കത്തികയറും. രാഹുല്‍ സദാശിവന്റെ മികച്ച മേക്കിംഗും ഒപ്പം ബ്ലാക്ക് ആന്‍ഡ് വൈറ്റിലുള്ള കഥ പറച്ചലും സിനിമയ്ക്ക് ഗുണം ചെയ്തു.അര്‍ജുന്‍ അശോകന്റെ പ്രകടനവും എടുത്തു പറയേണ്ടതാണ്.

സംഭാഷണം ടി ഡി രാമകൃഷ്ണനാണ്. അര്‍ജുന്‍ അശോകനും സിദ്ധാര്‍ഥ് ഭരതനുമൊപ്പം ചിത്രത്തില്‍ അമാല്‍ഡ ലിസും പ്രധാന കഥാപാത്രത്തെ അവതരിപ്പിച്ചു.