അയാളോടു മാത്രമേ എനിക്ക് ആരാധനയും ഇഷ്ടവും തോന്നിയിട്ടുള്ളൂ; അമല പോള്‍ പറയുന്നു !

തനിക്കേറ്റവും പ്രിയപ്പെട്ട ആ വ്യക്തിയെ കുറിച്ചു അമല പോൾ പറയുന്നു

സിനിമാ മേഖലയില്‍ തനിക്കേറ്റവും പ്രിയങ്കരനായ വ്യക്തി ആരാണെന്ന് വെളിപ്പെടുത്തലുമായി അമല പോള്‍. മമ്മൂട്ടി നായകനായെത്തിയ ‘ഭാസ്‌കര്‍ ദി റാസ്‌കലി’ന്റെ തമിഴ് റീമേക്കായ ‘ഭാസ്‌കര്‍ ഒരു റാസ്‌കലി’ന്റെ ഓഡിയോ ലോഞ്ചില്‍ വച്ചാണ് അമല ഇക്കാര്യം വെളിപ്പെടുത്തിയത്. അരവിന്ദ് സ്വാമിയാണ് തനിക്കേറ്റവും പ്രിയപ്പെട്ട താരമെന്നാണ് ആ വേദിയില്‍ അമല പോള്‍ പറഞ്ഞത്. 

‘ഭാസ്‌കര്‍ ഒരു റാസ്‌കലി’ല്‍ അരവിന്ദ് സ്വാമിയോടൊപ്പം അഭിനയിക്കാന്‍ കഴിഞ്ഞതില്‍ തനിക്ക് ഒരുപാടു സന്തോഷമുണ്ടെന്നും താരം പറഞ്ഞു. ഈ ഒരു സിനിമയെ വളരെ അഭിനിവേശത്തോടെ സമീപിച്ച ഇതിന്റെ നിര്‍മാതാവ് മുരുഗന്‍ സാറിനോട് നന്ദി അറിയിക്കുന്നു. മാത്രമല്ല ഒരു സിദ്ധിഖ് ചിത്രത്തില്‍ അഭിനയിക്കാന്‍ കഴിഞ്ഞത് തന്റെ ഭാഗ്യമാണെന്നും അമല കൂട്ടിച്ചേര്‍ത്തു.