രണ്ടര വയസുള്ള മകനെ ശ്വാസം മുട്ടിച്ച് കൊലപ്പെടുത്തി; കാമുകനൊപ്പം ഒളിച്ചോടി യുവതി; കേസ്

ജോലി കഴിഞ്ഞ് വീട്ടിൽ തിരിച്ചെത്തിയ പിതാവാണ് കുഞ്ഞിനെ കട്ടിലിൽ മരിച്ച നിലയിൽ കണ്ടത്.

രണ്ടര വയസ്സുള്ള മകനെ ശ്വാസം മുട്ടിച്ച് കൊലപ്പെടുത്തിയ ശേഷം അമ്മ കാമുകനൊപ്പം ഒളിച്ചോടി. ഛണ്ഡീഗഡിലാണ് സംഭവം. ജോലി കഴിഞ്ഞ് വീട്ടിൽ തിരിച്ചെത്തിയ പിതാവാണ് കുഞ്ഞിനെ കട്ടിലിൽ മരിച്ച നിലയിൽ കണ്ടത്. 

ജോലി കഴിഞ്ഞ് എത്തിയ ഭർത്താവ് വീട്ടിൽ ആരെയും കാണാത്തതിനെ തുടർന്ന് ഭാര്യയുടെ നമ്പറിൽ വിളിക്കുകയായിരുന്നു. അപ്പോഴാണ് ഭാര്യ കാമുകനൊപ്പം പോവുകയാണെന്ന വിവരം പറയുന്നതും കുഞ്ഞിനെ മുറിയിലെ കട്ടിൽ കിടത്തിയിട്ടുണ്ട് എന്ന് പറയുന്നതും. ഉടൻ മുറിയിൽ പോയ ഭർത്താവ് കുഞ്ഞ് മരിച്ചു കിടക്കുന്ന കാഴ്ചയാണ് കണ്ടത്. ഇതോടെ ഇയാൾ പൊലീസിനെ വിവരം അറിയിക്കുകയായിരുന്നു. 

ഇരുവരെയും അന്വേഷിക്കുകയാണ് പൊലീസ് ഇപ്പോൾ. സ്ത്രീക്കെതിരെ കൊലപാതക കുറ്റം ചുമത്തിയിട്ടുണ്ട്.